• Plidetwal Studio

Mach Pou mande derasinen gang Savyen



Sou envitasyon KILBA (Komite  Inisyativ pou Lape nan depatman Latibonit), plizyè santèn sitwayen gran moun melanje ak timoun foule beton an jounen lendi 15 Mas 2021 an nan Latibonit.


Objektif mach sa a se pou mande otorite konsène yo prese prese kraze gwoup gang savyen an ki kenbe depatman latibonit nan gòj depi yon bon bout tan.


Manifestan yo ki komanse mach la nan kafou Pèy pou rive Ponsonde.


Nou te ka konstate nan men yo plizyè pankat kote yo te ekri byen klè revandikasyon yo:Yo te genyen nan men yo:

Nou pa bezwen Bandi nan latibonit 

Nou pap ale nan Eleksyon ak Bandi

Nou Mande solisyon ak Baz Gran Grif

Nou Bouke ak Ensekirite 


Andre Saint-Louis kwòdonatè oganizasyon " KILBA" nan okazyon an mande otorite yo nan piwo nivo leta bay mwayen ak Direksyon Depatmantal Polis la nan Latibonit ( DDA) pou rive derasinen rès bandi ki rete nan savyen kap taye banda nan vale a. 


Yon lòt kote responsab la voye senpati l' bay chak paran ki gen yon

polisye tonbe nan operasyon Vilaj de Dye a 12 mas pase a.


Plizyè timoun ki tap patisipe nan mouvman sa a swete retounen lekòl, akoz neg savyen yo toujou anpeche lekòl fonksyone nan anpil zòn ki anviwonen lokalite savyen.


Fòk nou di tou sa gen plis pase 3 zan bandi nan baz gran grif nan lokalite savyen ap kidnape,teworize, epi vòlè bagay peyizan nan latibonit. Depi gwo operasyon polis nasyonal la te mennen nan mwa janvye pase a, kite koute lavi chef baz gran grif la Odma Louissaint peyizan nan anpil katye rale yon souf men se poko solisyon yap tann nan.


Daniel Danio



3 vues0 commentaire

Actualités

A Singapour, l’épidémie de #COVID2019 révèle la précarité des 300 000 travailleurs migrants : la promiscuité dans laquelle ils vivent réunit toutes les conditions d’une propagation maximale du coronavirus.