• Plidetwal Studio

Lanmò polisye yo vilaj de Dye: OPC di li solidè ak lapolis 


Nan yon nòt ki pibliye jou ki te vandredi 12 mas 2021, OPC (Office de la Protection du Citoyen) di kijan lanmò kat polisye yo choke l. Polisye sila yo te rive jwenn lanmò yo nan yon operasyon lapolis te ale mennen nan zòn ki rele vilaj de Dye kont gwoup gang "senk segond",  ki, malchans pou yo, te echwe. Bandi sènen yo ak kout zam, sezi zam ak cha blennde yo epi krible yo ak katouch. 


Zak kriminel atwòs sa mete lapenn nan kè anpil moun nan sosyete a. Anpil enstitisyon denonse l, pami yo, OPC ki pataje soufrans fanmi mesye yo, ak lapolis. Enstitisyon an di li "solidè" ak lapolis nan move moman sa. 


Nan not sa ki pote siyati Pwotektè sitwayen an, Renan Hedouville, OPC kontinye pou l raple polisye yo mouri pandan yo tap egzèse misyon yo  ki se "pwoteje ak pwoteje." Popilasyon an dwe toujou sonje sa. 


Pi lwen, Renan Hedouville fè konnen, nan bilan DG lapolis la, Leon Charles, te prezante a, li te fe konnen gen  kat polisye bandi touye, uit lot ki blese ak anpil ekipman lapolis bandi yo te rive sezi, ladan yo, de blennde."OPC enkyè pou si bandi baz senk segonn ta deside ittilize blennde ak zam yo sezi pou lapolis yo", nou kapab li nan not sa


Pa gen dout sou sa, daprè OPC, se nivo ensikirite a ak jan gang ap donnen a kou djondjon nan peyi ki lakoz trajedi 12 mas la nan vilaj de dye.  OPC pwofite okazyon sa pou li raple, depi byen lontan, li te toujou ap mande otorite yo oou aji sou sitiyasyon sa a. 


OPC mande lapolis pou l kontinye lit la, se sel fason pou sekirite retounen blayi nan peyi a. 

1 vue0 commentaire

Actualités

A Singapour, l’épidémie de #COVID2019 révèle la précarité des 300 000 travailleurs migrants : la promiscuité dans laquelle ils vivent réunit toutes les conditions d’une propagation maximale du coronavirus.