• Plidetwal Studio

Ayiti-Edikasyon: Gradyasyon nan INIFA



Dimanch 14 mas 2021 an, INIFA (Inivèsite Fondasyon Aristide) te òganize yon seremoni Gradyasyon. Seremoni sa a te prevwa pou fèt depi 2020 men li te repòte akoz kowona viris la.


Nan seremoni sa a, 397 etidyan te resevwa diplòm yo pami yo 34 enfimyè, 32 jiris, 38 medsen ak fizyoterapet.


Seremoni sa a se te okazyon pou prezidan INIFA a, ansyen prezidan Jean Bertrand Aristide, te takle sistèm ayisyen an ki pa atantif a doulè mas la. Pou li te fè referans a sistèm nan, oratè te pale de Var, yon teknoloji yo itilize nan foutbòl pou ede abit yo. Nan menm diskou sa a ansyen prèt katolik la eseye montre a ki pwen nivo Konsyans lan ba nan peyi a a travè yon latriye masak ki fèt nan peyi a pandan dènye ane sa yo.


Nan moman sa a kote plizyè kouch nan sosyete ap denonse tandans diktatoryal prezidan an plas, Jean Bertrand Aristide deklare nan diskou l' la :"Se sèl zewo ki renmen diktati, men ewo yo pito demokrasi". Selon kèk moun, fraz sa a se yon mwayen pou li voye pwen bay kèk moun kap kontinye kore rejim ki sou pouvwa a.


INIFA se yon enstitisyon ki atache a Fondasyon Aristide pou Demokrasi, li te kreye an 2001. Aprè depa Aristide an 2004, kas ble nazyonzini yo te okipe sit la jiska 2007.


INIFA genyen ladan l' 8 fakilte ak yon lekòl fizyoterapi. Resaman, yo lanse yon pwogram lisans an dwa pou moun ki vle etidye a distans.


Seremoni gradyasyon 14 mas la se twazyèm seremoni menm jan an INIFA reyalize aprè sa mas 2018 ak mas 2019 yo.




1 vue0 commentaire

Actualités

A Singapour, l’épidémie de #COVID2019 révèle la précarité des 300 000 travailleurs migrants : la promiscuité dans laquelle ils vivent réunit toutes les conditions d’une propagation maximale du coronavirus.